Plantun de Prouvènço

Pèr coumpara dos planto d'encò nostre

Drymochloa sylvatica & Lilium martagon

Drymochloa sylvatica

Poaceae Graminaceae

Nom en français : Fétuque des bois.

Descripcioun :
La petugo-de-fourèst trachis en mato dins li séuvo fresco de mountagno. Li fueio soun larjo de 4 à 14 mm, quàsi lisco e proun plegadisso. La paumo èi pulèu claro emé d'espigueto de 5 à 8 mm emé 2 à 5 flour. Li lemma soun pouchudo mai pas barbudo. Lou gènre Drymochloa se destrìo de Festuca qu'a de fueio sènso auriheto (fotò).

Usanço :
Es uno bono planto pasturiero.

Port : Grando erbo
Taio : 0,5 à 1,2(2) m
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Drymochloa
Famiho : Poaceae
Famiho classico : Graminaceae

Coulour de la flour : Verdo
Petalo : ges
Ø (o loungour) enflourejado : 10 à 15 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Jun à avoust

Liò : Faio - Blachiero - Fourèst fresco - Mountagno mejano
Estànci : Mountagnard à Subaupen
Couroulougi : Éuropenco
Ref. sc. : Drymochloa sylvatica (Pollich) Holub, 1984 (= Festuca altissima All., 1789 )

Martagoun

Lilium martagon

Liliaceae

Noms en français : Lis martagon, Racine d'Or.

Descripcioun :
Tras que poulido planto de nòsti mountagno que pòu flouri fin qu'à mai de 2500m d'auturo. Se recounèis evidentamen à si gròssi flour roujo picoutado e à si fueio verticilado pèr 5 e mai.

Usanço :
La cabosso èro manjado li tèms de carestié. A l'ouro d'aro soun li senglié que se n'en cargon alor que li cabróu esbrouton li fueio. Lou martagoun èi vertuous contro lou mau d'os, es un remoulissènt di car. Evidentamen lou fau pas acampa qu'es uno planto urousamen proutegido.